O Salón de Alimentación do Atlántico, Salimat Abanca, é xa unha cita consolidada que na súa 28.ª edición constituirá de novo un espazo imprescindible para todos os profesionais do ámbito agroalimentario no noroeste peninsular.

Non faltarán múltiples organizacións, pequenos produtores, artesáns, industria e a gran distribución, que, en conxunto, conformarán un foro excepcional para interaccionar, transferir coñecementos, cooperar, facer negocio e incrementar notoriedade ante o sector e o público final.

Un certame que se enmarcará na cita crave no calendario de todos os galegos, a 47.ª FEIRA INTERNACIONAL ABANCA SEMANA VERDE DE GALICIA. Un evento emblemático que volverá apostar por ser un fiel reflexo da nosa terra e da magnífica evolución da cadea de valor do sector primario. E no que a alimentación será un dos seus eixos principais, a través de Salimat Abanca.

Esta feira alimentaria vai a máis. Así o demostrou obtendo moi boas cifras nunha cita aínda moi marcada pola pandemia como foi a de 2021, alcanzando récords tras a crise sanitaria e chegando en 2023 aos 264 expositor. 

Unha progresión que supón o mellor respaldo para Salimat Abanca 2024.