O Salón de Alimentación do Atlántico, Salimat Abanca, será de novo un dos principais foros para o sector agroalimentario a nivel nacional, á vez que constituirá o seu espazo de referencia no noroeste peninsular.

Converterase nun evento único, no que múltiples organizacións sectoriais, entidades de promoción, pequenos produtores, artesáns, industria e gran distribución uniranse para colaborar e facer negocio, impulsar o seu crecemento e resultados, reforzar o seu posicionamento e aumentar a súa visibilidade.

Un salón que se enmarca dentro da cita clave no calendario de todos os galegos, aFERIA INTERNACIONAL ABANCA SEMANA VERDE DE GALICIA. Un certame que aposta desde hai máis de 40 anos por ser un fiel reflexo da nosa terra e da impresionante evolución que toda a cadea de valor do sector primario experimentou, e no que a alimentación, a través de SALIMAT, foi sempre o seu principal expoñente.